فى حب الوطن
هيلاهــــــــوب
شالونى وحطونى
وبتهمه الميدان والثوره
قال أيه عايزين يحاسبونى
من أمتى كان حب الوطن
رذيه
والحريه تهمه عايزين بيها
يعاقبونى
قولنا حريه فى الاول
قالوا على خيره الله
قولنا دوله مدنيه
قالوا أعوذ بالله
طيب ما الاول نبنى ونعمر
واحنا مؤمنين وموحدين
بالله
مسلم الديااانه أنا
وفى خانه الوطن
مسيحى
محمد نبى ورسولى
مهما قالوا عنى وزادوا فى
تجريحى
والايمااان مش عايز مزايده
ولا كان فى يوم
محتاااج اختبار
الدين لله وحده
والوطن بالمحبه هايفضل
عمران
ترهبونا بتورا بورا
تخوفونا بقندهـــار
مسلمين لله وحده وللحق
هانفضل دايما ثوار
مدنيه ياأرض الكنانه
والنيل بيجرى فى عروقنا
يسقى الارض تبقى
عمار x عمار
حسابنا عند المولى
وحده
الواحد القهار
بايدك يارب العباد
وحدك
العفو والرحمه
مين يدخل الجنه
ومين يكتوى
بالنااار
ــــــــــــــــــــــــــــــ
بقلمى
اديب الظل
سيد مدكور
ليست هناك تعليقات:
إرسال تعليق