الأربعاء، 23 ديسمبر 2009

ماطرح ما ترسى دقولها

قلـــــــــــــبى يامستطيل اخضر
تشهد على دقاتك المدرجااات
لا كنت فى يوم فى الهوى
اوفسايد
ولا حد لعبك يوم بلنتااات
احنا اللى وخدنها كعـــــــــابى من
شارع الوحده
لميدان الكت كااات
يشهد علينا شارع مراد والحريه
نقوم نخطى السلام لغايه الهنيــــــــدى
تضحك مشاعرنا ماتدخل يوم الحمياات
والموظفين يما خدت منا ليالى
من المحيا للممااات
فمطرح ماترسى دقولها
واللعب ياابنى خد وهاات
مدد ياسيدى اسماعيل الامبابى
شالله ياسيدى حسن ابو طرطور
بركاتك ياخالد ابن الوليد ياحاضن
البحر من العجوزه للبالون
للكت كاااات
نعدى على المحكمه لميدان التروللى
نروح للمنيره
نسلم على
ابو مداح
نوصل بسرعه لشارع
الاقصر
يقطعنا
شارع المطار
يغنى لنا قطر البضاعه
غناوى
و
حكايات
ماهى ضربه بالمرزبه ولا
الف ضربه بالشاكوش
والله لاحطم قواعد الادب واكتب بدون رتوش
هى دامت لصدام يعنى ولا دامت لبوش
ماهى عواطفنا جوانا
ومسير الحى يتلاقى
وتتقابل فى يوم الوشوش
واللى يرجع فى كلامه
مش كويس
والراجل اللى مايقولش
ياحواش حووووووووش
كنت فين ياصغنتوت يوم
مالعب انجلترا مع الارجنتين
ساعه ما جاب ماردونا
جونه
بطرف ايده الشمال مسابقه اليمين
لاكنت لسه اتزرعت ولا
حصلت جنين
حتى ساعه مصر مالعبت مع هولندا
وبدعت امام المشاهدين
لا الدنيا كانت بطلتك اتشرفت
ولا عليك الشمس شقشقت
ولا طلعت لك شهاده ميلاد
والتاريخ ياحليوه
احنا بفضـــل الله
كنا عليه شاااهدين

قطوف بستانى الحزينه


بستان الغرام عمرى
ما كنت انا
الا من قطوف
حزينه
عابر سيبل فى الهوى
وما كنت
يوم الا دمعه أليمه
ماكنت اتصور يوم انى
امير لاجشانى
واحساسى دائما مليان
ايام حزينه
كل بساتين الهوى
تهوا الهوا
وانا بستانى اغصانه
واوراقه
مريره
ياخوفى من كتر البكا
العمر
ينسرق
والفرحه عمرها
من تكون
على الشفايف
سليمه
اااااااااااااااااه يا دنيا
الالم
و
الفين
اااااااااااااه

مكتوب على كتر البكا
والحزن دائما
بستناااااه
الدمع فى يوم مافارق
دنيتى
ولا الحزن غاب يوم
ومش عارف
لحظه
منتهاه
كل يوم ألم..شجن..حزن
ولا عمرى كنت يوم
فى بستان الغرام
سعيد
ولا كنت قاطف
ورود الهوى
اللى أدمت اشواكها
الايدين
و الصرخه بتخرج
ليلاتى تضوى
فى كل بساتين الهوى
ولا عمرى حد عرف
غيرى معنى
ألاه
واااااااااااااااااااه
يابساتين الغرام
والف الفين
ااااااااااه


ياويحـــــــــــــكم

ياويحكم
ياويحكم
اتجرى مياه فى
عروقكم
وعلى ابواب بغداد
تسفك
دمائكم
يقتل بنو عمومتكم
وتسبى
نسائكم
فلا تتغير لغضبه
السماء
وجوهكم
وتاخذ ارضكم قسرا
وتطلبون
ان يفك الله
اسركم
كيف بالله تنعمون
بنسائكم
و
على
ابواب بغداد
تنتهك
اعراضكم
لعمرى فلتمزقوا
تاريخكم
ولتنتظروا
على
ابواب بغداد
هدم مجدكم


الله الله


ليغفر لكم

ولتغتسل الجبال والسهول
والبحارمن عار
اثامكم

فتبا لكم
ويا ويحكم
يا ويحكم

من فوق سطوح بيتــــــــــنا

من فوق سطوح بيتنا
يما
شوفت انا ياصاحبى
من المخاليق
اقول يارب لو _لى
من الاعادى ألف
ارحمنى يارب من
خيانه صديق
انا اللى يما صرخت
يامولاى
من الهوى
وكنت تايهه فى الهوى
وضعت كتير وسط الطريق
لو على كتر الاعادى يارب
انت عالم ياخالقى مااقدر استحمل
خيانه الصديق
من فوق سطوح بيتنا
كنت يما اتعجب من خلق الله
واتعجب يما من المخاليق
ابص للطير فى السما
واقول ياخالق الخلق
والمخاليق
ازاى نبقى كده
والطير حزين وباكى معايا
على طبع المخاليق
من فوق سطح بيتنا
كان فى غيه حمام
طير اخرس طاهر
ما يعرف حتى الكلام
لاعمره شال بين جناحاته
قسوه
ولا عمره قال اشمعنى
كده وكده
ولا عمره قال
يسلام
يطير على رزقه يوماتى
ويرجع فى طمئنينه وسلام
والسما فرحانه
بطيرانه
وألاقينى متعجب يوماتى
من خلق الله
واقول يارب ليه الانسان
ما يكونش حسن النيه
ويتعلم من الطير
ويكون احسن
المخاليق

.•:*¨`*:•._.•:* ¨`*:•. لمى توبك ياخضره.•:*¨`*:•._.•:* ¨`*:•.

من كتر الحزن اتعلمنا البكا
وان كان فى الاعاده أفاده
كفايه يادنيا مداديه
كل يوم جرح ومر بزياده
انا اللى مشيتلك يادنيا
وكنت دايخ فى بلاد المشايخ
مالقتيك يوم مبتسمه
وانا من كتر هموم فضلت
دايخ
اصرخ من دنيتى
لرب الخلق والكون
واكشف راسى
للسيده والحسين
واقول ويقول معايا الخلق
شالله ياابن بنت النبى
ياسيده زينب نضره
يابركه اولياء الصالحين
من العريش للحضره
قاطع بصبرى طول الطريق
مالقيت غير مرار والدموع
على الخدود حاضره
أول ما نبتدى الكلام
نصلى على النبى العدنان
وكل ما نزيد النبى
صلاه تحصلنا مليون
البركه
شالله ياابن بنت النبى
ياأم العواجز نضره
الاقينى اسمع ابن الهلال
جوايا
بيصرخ
لمى توبك ياخضره
اوعاك يطوله الطين
ده لو تاج عفتك
انجرح مره
اوعاك يلوثه الطين
وان كان مهرك ياخضره
فى التاريخ غالى
ثمنك هايفضل
بين المهور غالى
دانت للطهاره
والعفاف رمز
وتوبيك بين تياب النسا
غالى
ان كانش راح زمن ابوزيد
بقى ؟؟؟؟
وماعاد بينا الهلالى سلامه
حتى لو كنا للزناتى
مانعرف له طريق
جره
ماهنلاقى فى ظهرنا
الا العتاب
والاخلاق لابد ما تخرج لبره
ماهى الاخلاق مش متجزئه
اه يادنيا الهموم
قولى معايا
لمى تيابك ياخضره
اوعاك يطوله الطين

نضره ياام هاشم
شالله ياسيدنا الحسين
وصلى اللهم وسلم
على اشرف
الانبياء
وسيد المرسلين