الولايات المتحده الغراميه

الولايات المتحده الغراميه

بقلم أديب الظل

سيد مدكور
ــــــــــــــــــــــــــــــــ

لا أنا كنت
محجوب عبدالدايم
ولا أمى كانت
نعيمه فنتظيه
علشان كل يوم
اموت
فى هوى
أحسان
مالاقى
كل يوم غير
الاقسيه
ياقلبى كفايه
عذاب
ولا أنت بقيت
ولايات متحده غراميه
النهارده عايم فوق
محيط الهوى
بكره غرقان فى بحر
العواطفجيه
لارسيت ياقلبى
فى
يوم على
شط الهوى
ولا وصلت فى يوم
لبر الحنيه
تصرخ المشاعر
جوايا
كفايه
ياابنى حرام
ده انت بقيت خريطه
من العذاب
وعاصمه
للحزن ابديه
والقلم بقى يادنيا
فى ايدى
مره يكتب
بالفصحى
ومره بالعاميه
والحروف تتوه
على
لسانى
تنطق من كتر الجروح
بلهجات دموع العالم
والشكوى جوايا
من كتر الألم
رسمت على شفايا
ولايات متحده
غراميه
ــــــــــــــــــــــــــ
بقلمى
اديب الظل
سيدمدكور

صالون اديب الظل الثقافى ^^ سيد مدكور^^

بسم الله الرحمن الرحيم

اهلا وسهلا ومرحبا بكم جميعا فى رحاب وساحه وملتقى

صالون اديب الظل الثقافى 

صفحة أدبية للكتابة الحرة والتعارف الهادف

والتذوق الفني للكتابات الأدبية والثقافيه وفنون اللغة العربية

 برعايه أديب الظل

سيد مدكور

https://www.facebook.com/groups/1543985809216588/

جاااااسى علينا يازمن

قاسى علينا يازمن

قلبك قاسى يادنيا

يمكن ناشف حبتين

تجولى أكده زى
الملوحه

ولا محدق بلمونتين

نسيتى الفرح وويا

وياما كنا بالموده

مربوطين

جاسى علينا يازمن

والله جاسى

ياابو المرحوم

دايما جارح مفرق

واحنا مالنا غير

الرضا بالمقسوم

مانقدر نحاكم الزمن

ولا نشكى منه

يوم

ولا يوم هانكون

معاتبينه

حتى وان اخدنا على

اكتاف الحزن

يكوينا بمر أيامه
و

سنينه

ماهو يمكن يجسى
علينا

الزمن

ويجرحنا وياه

حبتين

تقوم تتوه قلوبنا

وسط المجاسى

واحنا عن بعض
تايهين

نروح من كتر الالم

يسيل االدمع وياانا

على ضفافه يضمنا

بالانين

نجول ياصبر الصبر

على كتر الحزن
وسنينه

ماهو كل ما الزمن
يجرى

ويحط علينا
بترحاله

يرمينا بالذكرى

على شوطه
يفكرنا

بايامه وسنينه

قاسى يازمن
والله

جاسى يا
ابو المرحوم

ماهو امتى كان الفرح

بايدينا وامتى

كان الحزن بيدوم

ماهى الدنيا من
ده على ده

وكله مكتوب

بالورقه والقلم

والطريق ماشينه

زى ماهو
ماشينه

وزى هو مكتوب

علينا

ومرسوم
__________________________

بقلمى ولا فخر

أديب الظل

سيد مدكور

اوبريت اجمل بنوته

اوبريت انا اجمل بنوته (( بقلم سيد مدكور ومدحت المرسى سليم))

مفتتح مسرحى على صوت الفنانه صباح

وهى تشدو بأغنيه امورتى الحلوه مع تعالى اصوات الكورال من خلف الستار الذى يبدء فى الارتفاع شيئا فشيئا عن خشبه المسرح

امورتى الحلوة بقت طعمه ولها سحر
جديد لها خفة روح لما بتضحك بتروح لبعيد
معذوره ياناس لو خبيتها من العيد للعيد
لو شفتوا جمالها هتحتاورا تحتاروا تحتاروا
والبيض والسمر هيداروا يداروا والحب
هتحصل فيه أزمة وتسعيرته هتزيد
تزعل منى لو ابوسها قدام الناس
وان قولت حبيبة امها وشها يحمر
وان قولت اكلك يابطة تخاصمنى شهر
تطول اد ماتطول
تكبر أد ماتكبــر
جوه القلب هتفضل زى الاول واكتر
الكورال
تزعل منى لو ابوسها قدام الناس
وان قولت حبيبة امها وشها يحمر
وان قولت اكلك يابطة تخاصمنى شهر
تطول اد ماتطول تكبر اد ماتكبر
جوه القلب هتفضل زى الاول واكتر
صوت صباح
ياما نفسى اشوفها بتتمختر فوق جمب الشمس
واكتب على باب السما يااسطى ممنوع اللمس
تطول اد ماتطول تكبر اد ماتكبر
تطول اد ماتطول تكبر اد ماتكبر
قلب الام هيفضل زى الاول واكتر
لو شفتوا جمالها هتحتاورا تحتاروا تحتاروا
والبيض والسمر هيداروا يداروا والحب
هتحصل فيه أزمة وتسعيرته هتزيد
يظهر المسرح رائعا متزينا على اجمل مايكون الجمال الطفولى البرئ تناثر على جنباته مجموعه من الصور التذكاريه لفنانين
طالما امتعونا وسحرونا بفنهم وهم صغار ولايزالوامنذ ان كانوا فى مراحل طفولتهم التى تكشفت فيها وخلالها ابداعتهم الفنيه
فهذه صور فيروز
تخرج لخشبه المسرح طفله جميله ترتدى ثوب زفاف ناصع البياض تترصع النجوم على تاج جميل يزين رأسها
وهى ترقص بابداع ينم على موهبه جميله توشك على ان تكمتل اركانها بمرور الايام تشدو بكلمات غنائيه ومن خلفها يرد
الكورال
دلوعه المنصوره من يومى
كلى مواهب وفنون
ما بنت مدحت المرسى
وارثه الادب والفنون
لا تقولى سيكا وبياتى
......تمثيل وشعر بالقافيه
موزون
ولما يتنبح صوتى
اعزف
كامنجه وقانون
ما انا بنت ارض المواهب
الطارحه
ادب وثقافه وفن وسحر
ربانى
على الخد مرسوم
ومتكحله بيه
العيون
تتلاحق الاحداث مع صوت الكورال المردد مع الطفله الجميله شدوها الرائع وقد احاطتها مجموعه من الصبايا اللاتى فى مثل عمرها او مايزيد عنه قليلا فيأتى من الناحيه الشماليه للمسرح رجلا كأنه رسام أو مكتشف مواهب عابر وعلى ملامحه بوادر اعجاب مما يراه من ابداع منها ويحمل بين ذراعيه لوحه بيضاء وريشه ومجموعه من الاحبار والالوان مقتربا منها ملاطفا اياها فى تناغم غنائى
يسلام لو تسمحلى الأموره
لو أمكن ارسم لها
بأيدى صوره
يمكن فى نشوفها واخده
عرش الفن
وساكنه بين اعمال
نيللى وشريهان
وبتعيد علينا ايام
سعاد اخت القمر
السندريلا السنيوره
فيرد عليه الكورال وسط ابتسامتها الطفوليه البرئيه فى خجل
معقوله يابنت ياااموره
فى تاخدى تاج الفن
وتسكنى جنب اعمال
نيللى وشريهان
وتعيدى علينا ايام
السندريلا السنيوره
فتخرج من وسط المجموعه التى احاطت بها فى دلال وضحك متقطع فى براءه
وليه يابنات
مش معقوله
مـــا
أنا أجمل بنوته ما
أنا نص الحدوته
من غيري ماتسوي الدنيا
ولا حته صغنتوته
...أنا علشاني إتغني الكون
ربي خالقني بقلب حنون
مليان حب لكل الناس
شيكولاته وحتة أنا ناس
لكن بأعشق توته
أنا أجمل بنوته
أنا نص الحدوته
ــــــــــــــــــــــــــــــــــــــــــــ
هذا الاوبريت عمل مشترك

فكره وتأليف
سيد مدكور السمان
والشاعر مدحت المرسى
واداء
لدلوعه الفن الجديده
مايا مدحت المرسى

مسرحيه صرخه ولاد النبى

مسرحيه صرخه ولاد النــــــــــــــــبى
تأليف ورؤيه خاصه
لأديب الظل
سيد مدكور
المنظر الاول
يفتح الستار والمسرح فى حاله وجوم واسترخاء وضيق من بعض الحاضرين القابعين فى حزن وألم تحت الاسوار
فى اخر خشبه المسرح.
صوت ياتى من خلف المسرح ياتى مسامع الحضور بقصيده الشاعر الفلسطينى تميم البرغوثى
هيبه العرش الخلى من الملوك
ليعطى المسرح رونقا من الحسره وينقل صوره منقوله بكل معانى الألم لحال هذه الامه
الاضواءتكاد تكون خافته فى بعض جنابات المسرح وصوره تتدلى على زوايه الحائط تكاد تسقط ولكنها لاتزال متماسكه بعض الشىء بربا ط رفيع وهى عباره عن صوره لراعى بقر يمتطى جواد ه ويجلس تحت هذه الصوره
رجل يرتدى زيه العسكرى بملامح عربيه وجم الوجه غاضب الملامح ربما يكون مندوب السلطه التى تتولى الاحكام العرفيه التى اعقبت الاستلاء على هذه الارض العربيه عقب العدوان الغائر المعروف للجميع
ويقبع على الارض فى حافه المسرح احد الاشخاص المقيد بالاغلال تم القبض عليه لمجرد انه اعلن عن فرحته لسقوط هولاكو العصر وضربه بالحذاء علنا على رؤوس الاشهاد
ممسكا لصوره طفل عراقى صغير يدعى على فقد ذراعيه ورجليه فى اول يوم للعدوان الامريكى الغاشم على العراق يوم 19مارس 2003
والرجل يردد فى حزن شديد ابيات من احدى القصائد التى تشابه تلك الاحداث وسط استغراب المحيطين له مرددين خلفه ماتلوكه السنتهم فى شجن وحزن وكانما شق صدورهم من جديد بتلك المعانى الذكريات
فتتقدم نحوه سيده عجز من ذاك الجمع الذى يفترش ارضيه المسرح تحت الاسوار وقد تجاوزت من اليأس ماتجاوزت متخطيه من حولها كل المحيطين
فتقترب منه فى حنان تجفف دمعه الذى بدى سائلا منهمرا وهو يحتضن صوره الطفل البرىء الذى فقد رجليه وذراعيه
الرجل الحزين ...
ابناءالحسين
عادوا للماساه من جديد
فهذه جيوش بنى اميه
وعلى
العرش جالس يزيد
والدماء لم تزل تجرى
بكربلاء
تصرخ ياويل يزيد
ياويل يزيد
السيده العجوز...
وهى باكيه تحاول ان تخفف من دمعتها الحزينه
مردده خلفه
ياويل يزيد
ياويل يزيد
فينتفض ذلك العربى ذو الملابس العسكريه
تحت صوره راعى البقر
كانما سقط من السماء فتخطفه الطير
او كانما سقطت احدى القنابل العنقوديه
لتواها فوق رأسه منددا اياهم
الرجل العربى...
على حذركم ايها الحاقدون الناكرون للجميل
فما جرى لكم الان بعدماخرست السنتكم طوال هذه المده؟؟
ألستم انتم من ملأوا الارض صراخا مستنجدين
بمن ينقذكم من اهوال طواغيكم الذين يتولون حكمكم؟؟
احد الراجل المحيطين به ...
صحيح ياعرب فى الوش مرايا وفى القفا سلايه
وشك وشك قفاك قفاك
ولا انتم نسيتم ولا هتبقوا زى
القطط تاكل وتنكر
فيتداخل احد الاشخاص الجالسين على خشبه المسرح يفترش الارض موجها الكلام لذلك الرجل
عندك ياسيد يامحترم
نسينا ايه ولا زى قطط ايه ؟؟
فيراجعه ذلك الرجل فى استعلاء
نعم زى القطط تاكلوا وتنكروا
فيعود الرجل نفسه لمقاطعته
انتم اللى نسيتم اننا ما اختارنا وجودكم بينا
ولم نكن ابدا نريد ان نرى منكم احدا ليخط ارضنا ومشاكلنا ماكنا نريد لكم ان تحلوها لنا
واما من استنجدوا بكم فهم انفسهم من نسل من سلملوا مفاتيح بغداد من ذى قبل للتتر
ورقصوا على جثث الابرياء
هم احفاد مؤيد الدين ابن العلقمى
الوزير العباسى
بالتاكيد تعرفوه والتاريخ يحفظ له مكانته فى اقذر مساحه وهم ايضا من راجعوا وخانوا عهدهم مع الحسين
وانفضوا من حوله
فقلوبهم كانت مع ابى عبدالله الحسين بن على
وسيوفهم كانت مع
يزيد من معاويه
هم نفس الوجوه ونفس النفوس الغادره والوحوش الضاله التى تعوى دائما حول ديارهذه الامه الثكلى بالاحزان والفرقه دائما
المنظر الثالث
المراه العجوز
تصرخ فى الوجوه
المتواجده
دم الحسين يايزيد
فى ايه فادك
عمرك ماهتغتسل
من
ذنوبك يايزيد
ولاهتلاقى غير صرخه
على بابك
طول ما الارض مرويه
بدم الحسين
بتدعى عليك انت وولادك
فتتساقط الدموع من عيون الحاضرين طالبين المغفره والتوبه من ااثام الماضى وسوءه الغادرين
وينتفض بعضهم حاملا صوره لرئيس صدام حسين ايضا مرددا
مكتوبالك الفرحه
فى يوم العيد
نلبس توب الهموم
وتلبس
انت توب جديد
تفرح بيك البصره
والكوفه
وتبكى عليك بغداد
والموصل
فى يوم العيد
فما الشبه الليله بالبارحه وما اشد الحزن المتجدد وكان الحاضرين فى تلك اللحظات هم انفسهم من حضر مجلس يزيد يوم كربلاء او كم حضور سقوط الخلافه العباسيه على يد التتار
فيقف ذلك الرجل الى يحتض صوره الغلام المقطوعه ذراعه وقد استند بظهره على احد الاركان مستذكرا حال هذا الطفل المسكين الذى لاحول له ولا قوه
لسه دم الحسين يايزيد
بيروى كربلاء
وسيوف المطامع
والغدر
بتشق كبد
السماء
وصرخه ولاد النبى
لسه
يايزيد بتروى
كربلاء
فتتعالى اصوات النساء من فوق اسوار المسرح كانما هى اسوار التاريخ الذى لا يكذب وان تجمل حينا
لسه دم الحسين
عالق
يايزيد فى
الايدين
وذنبه مقيدك
يابن معاويه
من وقتها
ليوم الدين
من وقتها ليوم الدين
تشهد على الجراح
البصره والكوفه
طول ما السما مظلله
بالحق
ارض االرافدين
المنظر الرابع
تسقط صوره راعى البقر من على الحائط وكأنها لم تحتمل صرخات الحاضرين تدوسها االنعال غير اسفين عليها
وفى تلك اللحظات تشهد ارضيه الاحداث داخل المسرح جدالا مسموعا من جموع الحاضرين
ما بين مستنكر
ما بين شامت
مابين متباكى على الماضى
وبين ناعى لحال هذه الامه
فيخرج صوت احد الرجال
من كان يستقوى ببوش فبوش
اهو بقى فى الباى باى
دوام الحال من المحال
ياعبده العروش دايما من المحال
ماهو ده رايح النهارده
وده بكره جاى
عليه العوض فى الدم
اللى فى ايديكم
بالعار مليان
مين عارف بكره هايجيى عليكم
وعلينا هايكون ازاى
فيتقدم الجميع نحو صوره راعى البقر الساقطه على الارض لتدوسها الاقدام
لاعنين ماجرى للعراق وشعبه وما يجرى لاطفال فلسطين وارضها الطاهره فى نفس الوقت مستذكرين الاحداث التى صاحبت العدوان الغاشم فى مثل هذه اللحظات مساء يوم التاسع عشر من اذار 2003 ليله العدوان على ارض الرشيد ولتعلوا من فوق الاسوار اصوات الكتبير
الله اكبر الله اكبر
حى على الصلاه
حى على الفلاح
وصوت صهيل خيل يتزامن مع لحظه الاذان كانه قادم من بعيد يستصرخ الجميع لأستحضار روح الفتوحات والامجاد الضائعه يترقب الجميع وصول صاحب ذلك الجواد البعيد والفارس الذى يصرخ فيهم من على مرمى البصر
وينادى الجميع بصوت عالى مسموع
انت فين يااللى هناك على الفرس بتنادى جاى
من زمان يافارس العرب منتظرينك
جاى تخلصنا ولا انت مش جاى
فيصرخ فيهم احد الرجال
بكره يجى فينا الولد
ويسقهم الكاس ورا الكاس
يقول عمرى ولا عمركم من بعد اليوم
خدى هايكون مداس
وبالامل هايتولد بين ايديه
تنادى باسمه كل الناس
وتنزل فى هذه اللحظه الستار فى انتظار ووصول ذلك الفارس الذى يسمع صوت سناكب جواده وصهيليها
وصوت قصيده بغداد للشاعر عبدالرحمن الابنودى يملا مسامع الجميع
ــــــــــــــــــــــــــــــــــــــــــــــــــــ
بقلمى ورؤيه خاصه
اديب الظل
س/يد مد/كور

رمضان كريم

بسم الله الرحمن الرحيم

 اخوتى واخواتى الاعزاء

 أجمل وارق التهانى القلبيه للجميع بمناسبه شهر رمضان المعظم اعاده الله عليكم وعلينا وعلى جميع الامه العربيه والاسلاميه باليمن والبركااات

 وما ارانى هذه الايام الا متسائلا  الم يحن الوقت للعوده مجددا لرحاب المنتديات الادبيه والمدونات لتعود كسابق عهدها من ذى قبل

  فمن منا ينسى منتدياتنا الادبيه التى كانت ساحه وملتقى للكثيرمنا ومن ينسى عيون هاله واصحاب كول واديب الظل وابداعاتها

 

 حقيقه ااالامر  ان احياء هذه المنتديات مجددا يبعث روح خامده من البعث الادبى والثقافى بين المشاركين وهذا ليس انقاصا من مجتمع الفيس بوك او التويتر 

 فعودوا لمنتدياتكم يرحمكم الله

 أديب الظل

سيد مدكور

الزرااااااااط......ين

صاحب بالين كداب

والتالت من المنافقين

امبارح كان شمااال

والنهارده تلاقيه حادف

يمين

ماشى مع الهوى

وفوق الموجه

اول الراكبين

فرحان بطوله

لسانه

مع انه ياولدااه

أول

الزراااط....ين

بقلمى واحساسى

اديب الظل

س/يد مدك/ور